Saída a Lugo

Neste curso 2015-2016 fixemos varias saídas a cidades como Lugo ou Guimaraes. Saídas dirixidas polas nosas profesoras do Proxecto Terra, persoalmente a miña preferida foi a saída a Lugo.

Na viaxe a Lugo saímos cedo para ver en primeiro lugar o Museo Provenzal de Lugo no que fixemos unhas cantas actividades grupais. As actividades baseábanse en completar unha serie de preguntas axudándonos das distintas exposicións do museo e dunha serie de relatos leídos anteriormente na clase. 

Aínda que non o vimos cabe destacar que no museo atopábanse famosas obras como "A escola de Doloriñas".

Despois disto dimos unha volta ao longo da muralla de Lugo antes de dispoñer do noso tempo de lecer para almorzar e falar entre nós.

A continuación visitamos o castro de Viladonga, onde visitamos outro museo referente á vida nos castros antigamente onde completamos unhas preguntas.

Para finalizar botamos unha camiñata ao redor do castro mentres recitábamos uns poemas.

 

Excursión Lugo

Lugo

Catedral de Lugo

Porta da Catedral

Muralla de Lugo

Praza Central de Lugo

Castro de Viladonga

Representación dos Castros ( Museo Provincial de Lugo )

Figuras relixiosas ( Museo Provincial de Lugo )

Escultura ( Museo Provincial de Lugo )

Pequena Capilla de Catedral de Lugo

Caminata por riba da Muralla

Juanma Roca Fernández 3º B

Crónica: Viaxe a Lugo

O pasado día 3 de maio, os alumnos de 3º ESO do IES Terra de Trasancos, vivimos unha experiencia, para a maioría, inolvidable. Foi un día de aventuras baixo o sol, nun sitio tan bonito e histórico como Lugo.


Era ben cedo cando o bus nos recolleu pola mañá. Aínda ía frío e resultou agradable encontrarse nun novo e cálido vehículo.


Despois da viaxe, chegamos ao noso primeiro destino do día: o Museo Provincial de Lugo.
Alí tivemos unha divertida competición entre catro equipos. Esta consistiu basicamente en demostrar que tiñamos lido o libro Contos no museo e que éramos áxiles buscando pistas por alí, enchendo cada equipo o seu formulario. Houbo un empate de acertos, pero o tempo desbloqueou todo. Ademais, puidemos contemplar obras mestras relacionadas co mundo castrexo e outros moitos temas.


Tras isto, visitamos a Catedral. Tivemos a oportunidade de observar unhas estructuras impresionantes e preciosas figuras relixiosas.


Xa vistos o Museo e a Catedral, quedábanos un dos lugares que ten unha gran importancia na cidade. Esa construción que vai máis alá da simple enxeñería e que marca territorio.
Si, é o que pensas, o noso destino era a muralla romana de Lugo: unha antiga construción e, á vez fundamental, na cultura e o turismo lucenses. Demos unha longa caminata ( en concreto de 2.266 m ), pero sen dúbida o esforzo valeu a pena.


Era xa a hora de xantar e tivemos algo máis de hora e media pra ir a un restaurante ou tomar o noso bocadillo. Tamén houbo tempo para disfrutar da magnífica “Praza Maior” e pasear un pouquiño co xeado na man.


A nosa última parada foi o Castro de Viladonga. Antes de velo, estivemos nun pequeno museo no que disfrutamos dun interesante documental e observamos todo tipo de obxectos.
Despois chegamos ao castro. Os cúmulos de pedra formando liñas curvas revelaban unha importante parte da historia da nosa terra.
Finalmente, o bus veu por nós, e así, levándonos de volta, deu fin a unha das mellores excursións que polo menos eu tiven na vida e, sobre todo, unha das máis produtivas e divertidas.


Un pracer ter ido.


Saúdos

Juanma Roca Fernández 3º B

Na excursión que fixemos o día 3 de maio a Lugo, fomos a visitar o Castro de Viladonga xa que estaba relacionado con tema que estábamos a tratar no Proxecto Terra.